Poetical Quill Souls

Poetical Quill Souls

This blog contains a collection of renowned and young authors from around the world poems in the languages in which they were originally written. Each file includes author’s photo or portrait and brief biography. We offer news and announcements of interest to professional and amateur writers (writing competitions, poetry press, etc) too.

Este blog recoge una selección de poemas de reputados autores y jóvenes promesas de todo el mundo en las lenguas en las que fueron escritos originalmente. Se incluye en cada ficha una breve reseña biográfica del autor y fotos o cuadros de éste. Se complementa el grueso del material con datos de interés para escritores profesionales o aficionados a la literatura (como información sobre certámenes literarios, editoriales dedicadas a la poesía, etc).
Mostrando entradas con la etiqueta Louise Bennett. Mostrar todas las entradas
Mostrando entradas con la etiqueta Louise Bennett. Mostrar todas las entradas

Louise Bennett

Bans a Killin

So yuh a de man me hear bout!
Ah yuh dem seh dah teck
Whole heap a English oat seh dat
yuh gwine kill dialec!

Meck me get it straight, mas Charlie,
For me no quite understand –
Yuh gwine kill all English dialec
Or jus Jamaica one?

Ef yuh dah equal up wid English
Language, den wha meck
Yuh gwine go feel inferior when
It come to dialec?

Ef yuh cyaan sing 'Linstead Market'
An 'Water come a me yeye’
Yuh wi haffi tap sing 'Auld lang syne’
An ‘Comin through de rye'.



Dah language weh yuh proud a,
Weh yuh honour an respec –
Po Mas Charlie, yuh no know se
Dat it spring from dialec!

Dat dem start fi try tun language
From de fourteen century -
Five hundred years gawn an dem got
More dialec dan we!

Yuh wi haffi kill de Lancashire,
De Yorkshire, de Cockney,
De broad Scotch and de Irish brogue
Before yuh start kill me!

Yuh wi haffi get de Oxford Book
A English Verse, an tear
Out Chaucer, Burns, Lady Grizelle
An plenty a Shakespeare!

When yuh done kill 'wit' an 'humour',
When yuh kill 'variety',
Yuh wi haffi fine a way fi kill
Originality!
An mine how yuh dah read dem English
Book deh pon yuh shelf,
For ef yuh drop a 'h' yuh mighta
Haffi kill yuhself!



Louise Simone Bennett-Coverleyis (Kingston, Jamaica, 1919 - Scarborough, Ontario, Canada, 2006). Poeta y folclorista.