Teño mentiras amarradas á traquea
por iso cuspo en intentos de anorexia.
Teño unha bala proxectada no peito
e bótasme sal na ferida aberta.
Teño medo de que non saibas coser
con teas de viúva negra o meu corpo.
Teño o embigo medrado de medo
para alugarte mellor, se vés de roxo.
Teño cogomelos do pan no útero
teño queixo con furadiños nos pulmóns
teño chícharos insomnes entre as costelas
teño un virus publicitario na autoestima
teño instintos que me psicanalizan
teño sorte... de que me teñas.
María Lado Lariño (Cee-A Coruña, 1979). Licenciada en Filología Gallega, vinculada al Batallón Literario da Costa da Morte. Se dedica profesionalmente al teatro. Sus poemas han aparecido en diversas revistas, antologías y en dos volúmenes individuales.