Ida Talavera de Fracchia

Chejojáita nde rehe

Chejojáita nde rehe
nderovatavy haguére;
aníkena rohunga
guaraníme kuimba'e.

Ñemihápe ñekoʼõi
okambúva nde rehe,
ha nde ruguýpe heñói
yuhéi asy che rehe...


Guyráicha rejeyvykói
ha opá rupi ma remaña,
maymárõ akã hy'akua
ne añomi rekay'u haguã.

Ndekatupyry che pa'i,
chejojáita nde rehe,
chéve guarã nde ka'i...
ha ndaikatúi reveve.


Ida Talavera de Fracchia (Asunción, Paraguay, 1910 – 1993). Poeta.